係人都知九牛二虎之力係形容好大力，但估唔到一牛，就足以拉起成架車，水牛車每一下停頓同起步，都深深感受到隻牛嘅力量有幾咁大。
而當時彈住三線琴嘅瀟灑大叔用日語講到「呢隻牛係隻母牛，已經相等於人類46歲，已經算係隻老牛，加上依家天氣好熱，可能會行下停下，要沖水降溫。」
幸運嘅係，呢班牛牛原來都有得輪班，每拉完一轉大約半個鐘嘅行程之後，就會喺陰涼嘅地方飲水休息，由下一隻牛牛頂上。日本人嘅溫柔，唔止喺人嘅相處上睇到，更加喺動物上到體會到。
如果換轉水牛車呢個活動存在於香港，我諗隻牛唔會有咁大隻咁健康，就算拉到隻牛80歲，一日仲有啖氣死唔去，就要繼續拉落去，睇拉法，似唔似你同我呢？
#竹富島 #水牛車 #石垣島 #sam哥你個水印真係好大 #妖
Search